ЯҢАЛЫКЛАР

    Әлеге истәлекле көнне Евдокия Ивановнаны 95 яшьлек  юбилее белән Кайбыч муниципаль район башлыгы Альберт Рәхмәтуллин котлады. Ул ветеранга Россия Федерациясе Президенты В. В. Путинның Котлау хатын, шулай ук шәхсән үзе исеменнән истәлекле бүләк тапшырды. Аңа нык сәламәтлек, озын гомер һәм күңел көрлеге теләде.

Юбилярны шулай ук Ябалак авыл җирлеге башлыгы Мөслимә Гыйзәтуллина, ветераннар советы рәисе Лидия Ерамасова, социаль хезмәткәр Татьяна Анина, Бәрлебаш күп функцияле үзәк методисты Гүзәл Өметбаева, «Дубрава» агрофирмасының Ябалак бүлекчәсе идарәчесе Раил Галиев та  котладылар.

         Хөрмәтле Ябалак авыл җирлегендә яшәүчеләр.Сезне 2019 елның 7 мартында Бәрлебаш  клубына Хәбир Ибрахимовның "Ялгыз каен күзе" дип исемләнгән "Ак җилкән" халык театры артистлары куйган спектакльгә чакырабыз.

Спектакль башлана 19: 00 сәгатьтә

Билет бәясе: 100 сум

     Россия Эчке эшләр министрлыгының Кайбыч районы буенча бүлеге Россия Федерациясе Эчке эшләр министрлыгының Казан юридик институтына 5 ел уку өчен кандидатлар сайлый. Институт югары һөнәри юридик белемле белгечләр әзерли.
          Кандидатлар менә дигән һәм яхшы белем алуга, югары әхлакый сыйфатларга, Эчке эшләр органнарында хезмәт итәргә теләкләргә ия булырга һәм сәламәтлеге буенча һөнәри эшчәнлек алып барырга сәләтле булырга тиеш.
           Россия ЭЭМ КЮИ укытуда өстенлекләр:
- югары белем алу мөмкинлеге;
- уку срогы Эчке эшләр органнарында хезмәт стажына керә;
- курсантларны айлык акчалата тоту (12 мең сумнан да ким түгел);
- гарантияләнгән хезмәт урыны;
- пенсиягә чыгу хокукын бирүче эчке эшләр органнарында 20 ел стажы саклана.

Хөрмәтле Мөслимә Фәрит Кызы!

   Сезне чын күңелебездән бәйрәмегез туган көнегез  белән котлыйбыз. Сезгә аяз күк йөзе, шомырт чәчкәседәй ак бәхетләр, корычтай нык сәламәтлек, кояштай озын гомер, чиксез шатлыклар телибез.

Хөрмәтле Ябалак  авыл җирлеге халкы, безнең кадерле, чын ир-егетләребез. Сезне 23 февраль ватанны саклаучылар көне белән котлыйбыз һәм бары тик низагларның тыныч чишелешләрен генә телибез. Сезгә беркайчан да сугыш сукмагына чыгарга туры килмәсен иде. Гаиләләрегезгә тынычлык, муллык, иминлек, татулык һәм  иминлек телибез!

  Бүген 22 февраль көнне Казанда Ватанны саклаучылар көненә багышланган тантаналы чара узды. Салих Сәйдәшев исемендәге Зур концертлар залында узган тантанада Татарстан Республикасы Премьер-министрының беренче урынбасары Рөстәм Нигъмәтуллин катнашты.

Бәйрәмгә делегация составында  Морза Бәрлебаш авылыннан сугыш хәрәкәтләре ветераны Шамил Борһанов чакырылган иде.

 2019 елның 21 февралендә Ябалак авыл җирлегендә Кече Кайбыч мәдәният йортында танылган эстрада җырчысы Нурзадә үзенең иҗат төркеме белән  концерт куйды.

Бүген Бәрлебаш төп гомуми белем бирү мәктәбендә «патриотик тәрбияләү һәм Россия тәңгәллеген тәрбияләү»темасына сыйныф җитәкчеләре семинары узды. Семинар эшендә Кайбыч муниципаль районы Башлыгы Альберт Рәхмәтуллин, мәгариф бүлеге җитәкчесе Илмас Хәмидуллин,Ябалак авыл җирлеге башлыгы Мөслимә Гыйзәтуллина катнашты.

Семинар алдыннан мәктәптә  сыйныф сәгатьләре үтте "Булачак сакчылар» һәм «Патриотлык: сорау билгесе?». Аларны башлангыч сыйныф укытучысы Алсу Әскәрова һәм 6 нчы сыйныф җитәкчесе Гөлчәчәк Гыйбадуллина үткәрде.

Аннан соң спорт залында Ватанны саклаучылар көненә багышланган укучылар һәм педагоглар катнашында "Патриотлык йөрәкләрне кабыза»,дигән бәйрәм чарасы узды. Бу чарага интернационалистлар: Нәфик Дәүләтшин, Шамил Борһанов, Ренат Хәялиев чакырылган иде.

Чара тәмамланганнан соң семинар башланды, аны Бөрлебаш мәктәбе директоры Сергей Лазарев ачты. Ул семинарда катнашучыларны сәламләде, аннары сүз район башлыгына бирелде.

Үзенең чыгышында район башлыгы Альберт Рәхмәтуллин балаларга яхшы концерт күрсәткәннәре өчен рәхмәт белдерде, барысын да якынлашып килүче бәйрәм белән котлады. Сыйныф җитәкчеләре алдына бурычлар куйды-район һәм республика дәрәҗәсендәге олимпиада нәтиҗәләрен яхшырту, шулай ук укучыларның БДИ һәм дәүләт имтиханы уңышлы тапшыру.

    Бүген 19 февраль көнне Кече Кайбыч авылында гомер итүче Ярхамова Рәзилә Хәйрулла кызы үзенең  80  яшьлек юбилеен билгеләп үтте.Аны шушы олы бәйрәме белән Кайбыч муниципаль районы башлыгы Рахматуллин Альберт Илгизəр улы исеменнəн,  район башлыгының ришвәтчелеккә каршы көрәш мәсьәләләре буенча ярдәмчесе Петухова Фәния Фәрит кызы Ябалак авыл җирлеге башлыгы Мөслимә Фәрит кызы,ветераннар советы рәисе Рәшит Касым  улы котладылар. Аңа аяз күк йөзе, шомырт чәчкәседәй ак бәхетләр, корычтай нык сәламәтлек, кайгы-хәсрәтсез көннәр, балаларың, оныкларыңның бәхетен күреп, шатланып яшәвен теләделәр.

    Бәрлебаш авылында Фәхриев Марат һәм Алия гаиләсендә кыз бала  туа. Өегезгә нур өстәп шатлыклы зур бәхет килгән, сөенечегез белән котлыйбыз!
Бүгенге көннән, өегезнең яме тагын да артты. Җан җимешегез шәфкатьле, тәүфыйклы, гүзәл һәм бәхетле бала булып үссен.Кызыгызның сабый чагын, гүзәл чәчәк булып җитешкән көннәрен, аның да әни булган көннәрен һәм оныкларыгызның үскәнен күреп сөенергә язсын үзегезгә.