ЯҢАЛЫКЛАР
Бүген район мәдәният йортында, оештырылган төстә көзге бал темасына күргәзмә үтте.Күргәзмәдә йорт яны участокларында ускән яшелчә һәм җиләк-җимешләр куелган иде. Бу кургәзмәдә клуб мөдирләре , авыл китапханәчеләре дә катнашты.
Татарстан Республикасы муниципаль юл фонды акчасы исәбеннән « Вак Таш» программасы буенча Бәрлебаш авылынын Үзәк урамында юл төзелеше төгәлләнде
Татарстан Республикасында төрле мессенджерларда хәбәр җибәрү юлы белән мошенниклык очраклары теркәлгән. Хатын-кызлар тавышы пенсионерларга Пенсия фондыннан 720 сум күләмендә акча түләргә вәгъдә итә. Шулай ук гаризаны тиз арада — 1 ноябрьгә кадәр шәхсән Пенсия фонды органнарында тапшырырга кирәк, дип хәбәр итә.
Россия Пенсия фондының Татарстан Республикасы буенча бүлеге пенсионерларга бернинди өстәмә түләү дә көтелми, дип кисәтә. Әлеге рассылка мошеникларның эше!
Игътибар итегез, агымдагы елда пенсия гражданнарга тулы күләмдә индексацияләнде, шуңа күрә агымдагы елда өстәмә түләү өчен нигез юк.
Шикле очракларда да Татарстан Республикасы буенча Пенсия фонды бүлеге татарстанлыларга Россия Пенсия фондының контакт-үзәгенә (843) 27-9-27-27 номеры буенча мөрәҗәгать итәргә киңәш итә.
Бүген Россия Кораллы Көчләре сафына безнең районан биш якташны озаттылар Хәрби хезмәткә алынучыларның берсе Морза Бәрлебашыннан - Илһам Борһанов. Аны озатырга әти-әниләре, туганнары, дуслары, сыйныфташлары килгән иде. Район башлыгы Альберт Рәхмәтуллин исеменнән солдатларга котлау сүзләрен район башкарма комитеты җитәкчесе Алексей Макаров җиткерде. Ул егетләргә хәерле юл, лаеклы хезмәт итүләрен һәм исән-сау өйләренә әйләнеп кайтуларын теләп калды.
Бүген Кече Кайбыч авылында гомер итүче Гайнуллин Сәлимулла Кәрибулла улы үзенең 70 яшьлек юбилеен билгеләп үтә.Аны шушы олы бәйрәме белән котларга Кайбыч муниципаль районы башлыгы Рахматуллин Альберт Илгизəр улы исеменнəн, район башлыгының ришвәтчелеккә каршы көрәш мәсьәләләре буенча ярдәмчесе Петухова Фәния Фәрит кызы Ябалак авыл җирлеге башлыгы Мөслимә Фәрит кызы котладылар. Аңа ныклы сәламәтлек, җан тынычлыгы, бәрәкәтле, мул тормыш гаилəсенə иминлек теләделәр.
Бүген Совет һәм Башкарма комитетының актлар залында Хәрби хезмәткә чакырылучылар көненә карата бәйрәм чарасы узды.Бу чарада Кайбыч район башлыгы Альберт Рәхмәтуллин, Апас һәм Кайбыч районнары Хәрби комиссары Илшат Паймурзин, хәрби хезмәткә чакырылучылар һәм аларның ата-аналары катнашты
Бүген 18 октябрь көнне Бәрлебаш авылында гомер итүче Бикчантаева Нурия Насретдин кызы үзенең 90 яшьлек юбилеен билгеләп үтте.Аны шушы олы бәйрәме белән Кайбыч муниципаль районы башлыгы Рахматуллин Альберт Илгизəр улы исеменнəн, район башлыгының ришвәтчелеккә каршы көрәш мәсьәләләре буенча ярдәмчесе Петухова Фәния Фәрит кызы Ябалак авыл җирлеге башлыгы Мөслимә Фәрит кызы котладылар. Аңа җан тынычлыгы, тəн сихəте, бәрәкәтле, матур тормыш теләделәр.
Бүген Татарстан Республикасы муниципаль юл фонды акчасы исәбеннән « Вак Таш» программасы буенча Бәрлебаш авылынын Үзәк урамында юл төзелеше башланды.
7 нче октябрь көнне Бәрлебаш клубында Өлкәннәр көне уңаеннан бәйрәм чарасы уздырылды. Өстәл тулы сый хөрмәт иде.Хөрмәтле өлкәннәребезгә карата бу көнне Бәрлебаш клубы методисты Гүзәл Өметбаева зур концерт та әзерләгән иде. Өлкәннәребез бу чарадан ял итеп, бик канәгәт булып кайтып китте.
6 нчы октябрь көнне Кече Кайбыч авылында Өлкәннәр көне уңаеннан бәйрәм чарасы уздырылды. Хөрмәтле өлкәннәребезне котлау Өчен Ябалак авыл җирлеге башлыгы Мөслимә Фәрит кызы, район башлыгының ришвәтчелеккә каршы көрәш мәсьәләләре буенча ярдәмчесе Петухова Фәния Фәрит кызы , социаль яклау бүлеге начальнигы Чулпан Галимулла кызы да килгән иде.