Әгәр сездә градусник яки башка терекөмешле приборны ватылган булса, түбәндәгеләрне  үтәргә кирәк:

• Һава керү һәм бинадагы температураны киметү өчен тәрәзәләрне ачыгыз (фатирда җылырак булган саен, металл парарлана).
• Әгәр прибор ватылса кешеләрне һәм йорт хайваннарын бүлмәгә керүдән чикләргә кирәк.
• Әгәр прибор ватылса  резин перчаткаларда һәм авызда марля бәйләвечләрендә генә юеш  газета белән терекөмешне җыеп алыгыз, иң вак шарларны лейкопластырь белән җыярга була.
• Җыелган терекөмешне су белән  тулган савытка салыгыз һәм тыгыз итеп капкачын ябып куегыз. Су терекөмеш искермәсен өчен кирәк. Савытны чүп-чар үткәргечкә, унитазга ташламагыз һәм урамга да чыгармагыз!
• Терекөмеш ватылган урынны концентрацияле эретмә белән тутырылган сиптергеч ярдәмендә эшкәртергә мөмкин.
• Якынча бер сәгатькә калдырыгыз, ә аннары сабын-СОД эремәсе белән  юыгыз (1 литр суга 40 г.хуҗалык сабыны һәм 50 г. азык содасы эретегез).
• Бер тәүлек эчендә бүлмәгә кермәскә тырышыгыз. Аннары идәнне су белән юып алыгыз.
• Авызны марганцовканың йомшак эретмәсе белән чайкаганнан соң, активланган күмернең 2-3 сәдәбен кабул итегез-бу организмда токсиннарның йогынтысын киметәчәк.

      Демеркуризация (терекөмешле пычратуларны бетерү һәм терекөмешле калдыкларны утильләштерү буенча чаралар) үткәрү мәсьәләләре буенча Татарстан Республикасы муниципаль берәмлекләренең бердәм дежур-диспетчерлык хезмәтләренә (ЕДДС) мөрәҗәгать итәргә була.

      Бүген Морза Бәрлебаш авылында гомер итүче Мингалеев Дамир Котдүс  улы үзенең 50 яшьлек юбилеен билгеләп үтә.

     Хөрмәтле Дамир Котдүс улы  !

     Сезне чын күңелебездән бәйрәмегез белән котлыйбыз. Сезгә  аяз күк йөзе ак бәхетләр, корычтай нык сәламәтлек, кояштай озын гомер, чиксез шатлыклар телибез.

Россия Федерациясе Пенсия Фондының Татарстан Республикасы буенча Бүлекчәсе «Һөнәри керемгә салым» махсус салым режимын кулланучы үзмәшгүль гражданнарның пенсия хокукларының (иминият стажы һәм пенсион коэффициент) бары мәжбүри пенсия иминиятләштерүгә күчерелгән  иминият взносларын исәпкә алып кына формалаштырылуын исегезгә төшерә.

 Шунысын да искәртү урынлы – узмәшгүль гражданнар мәҗбүри пенсия иминиятләштерүе  буенча хокук мөнәсәбәтләренә ирекле  рәвештә  керергә хокуклы.

Теркәлү үтү өчен яшәү урыны буенча Пенсия фонды идарәсенә мөрәжәгать итәргә кирәк. Үзегез белән гариза, паспорт һәм салым органыннан  «Һөнәри керемгә салым» махсус салым режимын кулланучы буларак теркәлү турында белешмә алып килергә кирәк.

«Пенсия фондына иминият взнослары түләүнең күләме чикләнмәгән, әмма 2020 елда ул 256185, 6 сумнан артырга тиеш түгел», - дип искәртте Россия Пенсия фондының ТР буенча Бүлекчәсе Идарәчесе Эдуард Вафин.

Кабат искәртәбез, иминият стажына мәҗбүри пенсия иминиятләштерүенә взнослар күчерелгән периодлар гына кертелә.

Түләнгән иминият взносларының гомуми суммасы фиксацияләнгән күләмнән кимрәк булмаган очракта иминият стажына бер ел булып кертелә.

Ә түләнгән взнос күләме фиксацияләнгән суммадан кимрәк булса, иминият стажына кертелгән период түләнгән суммага пропорциональ була.

2020 елда мәҗбүри пенсия иминиятләштерүенә иминият взносының күләме 32448 сум тәшкил итә.

        Бүген 25 гыйнвар көнне Кече Кайбыч мәдәният йортында халык җыены барышында муниципаль район Башлыгы Рәхмәтуллин Альберт Илгизәр улы шушы коннәрдә юбилейларын билгеләп үтүчеләрне  котлады ,алар Кече Кайбыч авылыннан Жамалетдинова Гөлсирә Нурулла кызы, Минуллина Фәридә Фәрит кызы,Морза Бәрлебаш авылыннан Әфлатунова Фирдәүсә Галимҗан кызы  иде.

   Альберт Илгизәр улы юбилярларга Рәхмәт хатлары һәм чәчәк бәйләмнәре тапшырды,аларга нык сәламәтлек, озын гомер теләде.

     Бүген 25 гыйнвар көнне Кече Кайбыч мәдәният йортында халык җыены булып узды. Анда муниципаль район башлыгы Альберт Рәхмәтуллин, аның урынбасары Рәмис Хәялиев, Ябалак авыл җирлеге башлыгы Мөслимә Гыйзәтуллина, район хезмәтләре һәм ведомстволары җитәкчеләре катнашты.

       Катнашучылар алдында Ябалак авыл җирлегенең 2019 елгы эш нәтиҗәләре һәм 2020 елга бурычлар турындагы җентекле доклад белән аның башлыгы - Гыйзәтуллина Мөслимә Фәрит кызы чыгыш ясады.   Бәрлебаш төп гомуми белем бирү мәктәбе директоры Лазарев Сергей Владимир улы, Кече Кайбыч башлангыч мәктәбе мөдире Лотфуллина Алсу Камалетдин кызы,полициянең участок уполномоченные Куликов Александр Сергей улы, Бәрлебаш ФАПының шәфкать туташы Идрисова Гөлнара Тукай кызы җирлек халкы алдында башкарылган эшләр турында хисап тоттылар.

        Җыелыш ахырында район башлыгы Альберт Рәхмәтуллин очрашуга йомгак ясады. Ул җирлек башлыгы эшен уңай бәяләде. Кыскача 2019 елда районда нинди үзгәрешләр булуы турында сөйләде. Тиздән Морза Бәрлебаш авылында мәдәният йортын ремонтлау планлаштырыла, дип хәбәр итте.

Кайбыч районы прокуратурасы гаилә законнары таләпләрен үтәү буенча тикшерү үткәрде.

41 яшьлек хатынның 2009 елда  туган улын карап тоту өчен алимент түләргә тиеш булуы ачыкланган.

Әмма 2019 елның сентябреннән 2020 елның гыйнварына кадәр ул алимент түләүдән, балигъ булмаган баланы карап тотуга матди ярдәм күрсәтүдән читләшкән.

Шул ук вакытта ул шундый ук хокук бозу өчен административ җаваплылыкка да тартылган.

Нәтиҗәдә, алиментлар буенча бурыч 44 мең сумнан артып киткән.

Прокуратура инициативасы буенча, тикшерү органнары хатын - кызга карата РФ ҖК 157 маддәсенең 1 өлеше (балаларны карап тоту өчен акча түләмәү) буенча җинаять эше кузгаткан.

Җинаять эшен тикшерү барышы прокуратура контролендә тора.

Кайбыч районы прокуратурасы

   Бүген 21 гыйнварда Ябалак-Олы Кайбыч юлы буенда Бәрлебаш борылышына һәм Кече Кайбыч авылының Үзәк урамына Бөек җиүнең 75 еллыгы һәм ТАССР төзелүнең 100 еллыгы логотибы белән баннер урнаштырылды.

1) 2021 елның ахырына кадәр өч яшькә кадәр балаларны яслегә урнаштыру өчен булган  чиратлар бетерәләр.

2) Аз керемле гаиләләргә өч яшькә кадәрге балалар өчен пособие түләнәчәк. Әгәр гаиләнең кереме бер кешегә яшәү минимумыннан түбәнрәк икән, акча балага җиде яшь тулганчы түләнәчәк. ⠀

3) Ана капиталы беренче бала өчен түләнәчәк. Быелдан беренче бала туган очракта гаилә 466 мең сум акча алачак, ә икенче бала өчен тагын 150 мең сум алачак. Гаиләдә инде бер бала булса, икенчесе туган очракта 616 мең сум ана капиталы булачак. Өченче бала туган өчен дәүләт гаиләгә ипотеканы түләүгә 450 мең сум акча түләнәчәк.

4) Башлангыч сыйныф укучыларын мәктәпләрдә бушлай ашатачаклар. ⠀

5) 2021 ел ахырына барлык мәктәпләрдә дә Интернет барлыкка киләчәк. ⠀

6) Барлык музыка мәктәпләрендә ремонт булачак. ⠀

7) 2020 елның 1 сентябреннән сыйныф җитәкчеләренә федераль бюджеттан 5000 сум күләмендә өстәмә акча түләнеләчәк.   ⠀

8) Вузлардагы инфраструктураны ныгытачаклар, яңа бюджет урыннары булдырылачак.

9) Авылларда яңа ФАПлар барлыкка киләчәк.

10) 1 июльдән поликлиникаларны һәм ашыгыч ярдәм станцияләрен модернизацияләү программасы башланып китәчәк.

11) Табибларның һәм шәфкать туташларының торак проблемаларын хәл итәчәкләр. ⠀

12) 2024 елга хастаханәләрдә медицина кадрлары җитмәүне бетерәчәкләр. ⠀

13) Медицина югары уку йортларында 70% бюджет урыннарын  шәһәр һәм районнардан килгән  студентлар арасында бүленәчәк.

Күрсәтелгән үзгәрешләр турындагы закон проектлары кабул итү стадиясендә.

Күрсәтелгән законнарның үз көченә керүе турында өстәмә хәбәр итәрбез.

Кайбыч районы прокуратурасы

Россия Пенсия фондының Татарстан Республикасы буенча Бүлекчәсе даими шәһәр пассажир җәмәгать транспорты йөртүчеләргә авыр эшләре өчен кайбер пенсион ташламалар булуы хакында искә төшерә.

Үзенчәлекле эш шартларына бәйле рәвештә вакытыннан алда иминият пенсиясе билгеләү хокукына түбәндәге төр транспорт йөртүчеләр ия:

- 55 яше тулган, ким дигәндә 25 ел иминият стажы булган, регуляр шәһәр пассажир маршрутларында 20 ел автобус, троллейбус, трамвай йөртүче ир-атлар;

- 50 яше тулган, ким дигәндә 20 ел иминият стажы булган, регуляр шәһәр пассажир маршрутларында 15 ел автобус, троллейбус, трамвай йөртуче хатын-кызлар.

Даими шәһәр пассажир транспорты маршруты – шәһәр эчендә алдан ук билгеләп куелган һәм расланган, шул юл буенча билгеле бер вакыт аралыгында һәм махсус билгеләнгән тукталышларда мәҗбүри транспорт туктап ала торган юл дигәнне аңлата.

Шунысын искәртү зарур, ташламалы пенсия бары транспорт йөртүчеләр торак пункт чикләрендә утырту урыны 8 дән ким булмаган автотранспортны файдаланып, даими пассажир йөрту нормаларын үтәүне документаль рәвештә раслаган очракта гына билгеләнә. Моның өстенә 2013 елның 1 гыйнварыннан соң күзәтелгән эш периодларын иминиятләштерүче оешманың иминият взносларын тиешле тарифлар – Россия Салымнар кодексының 428 статьясында каралган тарифлар буенча исәпләве һәм түләве, шулай ук әлеге эш урынында хезмэт шартларының зарарлы яисә куркыныч булуын раслаучы махсус бәяләү үткәрүе шарт.

Шунысы әһәмиятле! Шәһәр транспортында заказ буенча пассажирлар йөртүчеләр картлык буенча вакытыннан алда пенсиягә чыгу хокукына ия була алмый, чөнки бу очракта пассажирлар йөртү даими маршрут буенча башкарылмый. Моның өстенә пассажирлар хәрәкәт барышында тукталыш саен утыртылмый һәм төшерелми.

«Пенсиягә чыгу яшен арттыру әлеге категория хезмәткәрләргә кагылмады. Пенсия алды яше җитү чикләре аларга вакытыннан алда пенсиягә чыкканчы 5 ел иртәрәк билгеләнә: хатын-кыз йөртүчеләр өчен ул – 45, ир-ат йөртүчеләр өчен – 50 яшь»,- дип билгеләп үтте Россия Пенсия фондының Татарстан Республикасы буенча Бүлекчәсе идарәчесе Эдуард Вафин.

Региональ Пенсия фонды пенсия яшен арттыру тагын 15 ләп категория гражданнарга кагылмаганлыгын да искәртә.

         2020 елның 1 гыйнварыннан гражданнар авыл территорияләрендә торак яки йорт төзү яки сатып алу өчен ташламалы сумлык ипотека кредитын рәсмиләштерә алачаклар.

         Программа «авыл территорияләрендә торак төзелешен үстерү һәм торак йортларны төзекләндерү дәрәҗәсен арттыру» ведомство проекты кысаларында «2020 – 2025 елларга авыл территорияләрен комплекслы үстерү»Россия Федерациясе дәүләт программасының гамәлдә.

        Кредит бирүнең максималь вакыты-25 ел, кредит күләме-өч миллион сумнан артык түгел, шул ук вакытта заем үз акчалары хисабына сатып алына торган яки төзелә торган торак бәясенең кимендә 10 процентын түләргә тиеш. Ташламалы ипотека кредиты ставкасы еллык 0,1 дән 3 процентка кадәр чикләрдә билгеләнгән. Субсидия бирү кагыйдәләре Россия Федерациясе Хөкүмәтенең 30.11.2019 ел, №1567 карары белән расланган.

     Барлык сораулар буенча яшәү урыны буенча авыл җирлегенә яки Кайбыч муниципаль районы Башкарма комитетына түбәндәге адрес буенча мөрәҗәгать итә аласыз: Олы Кайбыч авылы, Кояшлы бульвар, 7 йорт, каб. 202 яки 209.