ЯҢАЛЫКЛАР

Кайбыч районы прокуратурасы «Дубрава «агрофирмасы» җаваплылыгы чикләнгән җәмгыятендә (алга таба – җәмгыять) закон таләпләрен үтәүне тикшерде.

Прокурор тикшерүенә Кайбыч районы Кече Кайбыч авылында яшәүчеләрнең (шул исәптән пенсионерларның) җир хокукларын бозу турында күмәк мөрәҗәгате сәбәп булды.

2007 елда гариза бирүчеләр 710 гектар мәйданлы җир кишәрлеген күрсәтелгән җәмгыятькә арендага бирүләре ачыкланды.

Россия Федерациясе Граждан кодексының 614 статьясы арендатор милектән файдаланган өчен түләүне (аренда түләве) вакытында кертергә тиеш дип билгели. Аренда түләвен кертү тәртибе, шартлары һәм сроклары аренда килешүе белән билгеләнә.

Әмма җир кишәрлеген арендалау шартнамәсе шартларын бозып җәмгыять 2021 ел өчен арендага бирүчеләргә 400 мең сумнан артык акча түләмәгән.

Тикшерү нәтиҗәләре буенча, район прокуратурасы җәмгыять директоры адресына ачыкланган закон бозуларны бетерү турында күрсәтмә бирде.

Прокуратура катнашыннан соң җирле халыкның хокуклары торгызылды, мөрәҗәгать итүчеләр алдында җир пайларын файдаланган өчен бурыч тулысынча түләнгән.

Кайбыч районы прокуратурасы

2022 елдан Пенсия фонды гражданнарга картлык буенча иминият пенсияләре һәм пенсия тупланмаларына хокуклары турында актив мәгълүмат бирә. Хәбәрнамәләр 45 яшьтән өлкәнрәк ир-атларга һәм 40 яшьтән узган хатын-кызларга дәүләт хезмәтләре порталында шәхси кабинетка җибәрелә, алга таба мәгълүмат өч елга бер тапкыр киләчәк.

       Бүгенге көнгә формалаштырылган пенсия һәм пенсия тупланмалары күләме турында мәгълүматны якынча 19 мең кеше алды. Мәгълүматхатын-кызларга – 40, ир-атларга 45 яшьтулганкөндәҗибәрелә.

Россия Пенсия фонды юллаганмәгълүматхатындагражданнаркартлыкбуенчахезмәтпенсиясенәхокукалушартларыбеләнтаныша, пенсиягәчыкканчытагынкүпме стаж тупларгакирәклеген, шулайукпенсиянеңфаразланганкүләменкүрә ала.

"Проактивмәгълүматбирүгражданнаргаүзләренең пенсия хокукларыналданукбәяләргәһәмкирәквакыттааларныарттырубуенчаадымнарясарга, стаж чорларынһәм пенсия коэффициентларыкүләменачыкларга, шулайук Пенсия фондындаформалашаторган пенсия тупланмаларыкүләменбелергәмөмкинлекбирә", - дипбилгеләпүттеТатарстанның Пенсия фонды башлыгы Эдуард Вафин.

Россия Пенсия фондының Татарстан Республикасы буенча Бүлекчәсе Бөек Ватан сугышында Җиңүнең 77 еллыгына багышланган түләүне бирә башлады.

        Бөек Ватан сугышы инвалидларына һәм Бөек Ватан сугышында катнашучыларга, 1941-1945 еллар вакыйгаларында турыдан-туры катнашкан гражданнарга 10 000 сум күләмендә бер тапкыр бирелүче бу акчаны пенсия һәм социаль түләүләр белән бергә апрель аенда ук күчерә.

       «Татарстанда Җиңү көненә ел саен бирелүче әлеге  түләүне 438 ветеран алачак. Түләү Россия Пенсия фондының территориаль органнары карамагындагы мәгълүматлар нигезендә гражданнарның шәхси мөрәҗәгатеннән башка башкарыла», - дип билгеләп үтте Татарстан Республикасы буенча Пенсия фонды идарәчесе Эдуард Вафин.

          Исегезгә төшерәбез, 1941-1945 еллардагы Бөек Ватан сугышы инвалидларына һәм сугышта катнашучыларга бер тапкыр түләнә торган түләүләр Россия Федерациясе Президенты В.В. Путинның «Гражданнарның кайбер категорияләренә Җиңү көненә еллык акчалата түләү турында» 2019 елның 24 апрелендәге 186 номерлы Указы нигезендә гамәлгә ашырыла.

 Татарстан Республикасы буенча Пенсия фонды бүлекчәсе хәбәр иткәнчә, 2022 елның 1 гыйнварыннан инвалидлык буенча иминият һәм социаль пенсияләр гражданнарның шәхси мөрәҗәгатеннән башка билгеләнә. Пенсия һәм аңа тиешле социаль түләү, шул исәптән социаль хезмәт күрсәтүләр җыелмасы, гражданны инвалид дип тану көненнән алып, инвалидларның Федераль реестры (ФРИ) мәгълүматлары нигезендә билгеләнә. Пенсиягә хокукны раслаучы документларны Пенсия фондына тапшыру зарурлыгы юк.

       Ел башыннан Татарстанда яшәүче 1500 гә якын инвалидка пенсия шул ысул белән билгеләнде. Сүз инвалидлык алганчы пенсионер булмаган кешеләр турында бара. Гамәлдәге пенсионерга инвалидлык бирелгән очракларда Пенсия фонды айлык акчалата түләү билгели.

       Инвалидлык буенча иминият яки социаль пенсия билгеләү турындагы карар федераль реестрдан инвалидлык турында мәгълүмат кергән көннән соң биш эш көненнән дә соңга калмыйча кабул ителә. Пенсия билгеләү турында карар чыгарылганнан соң, өч эш көне дәвамында Пенсия фонды бу турыда гражданинга хәбәр итә. Пенсия билгеләнү турындагы хәбәр дәүләт хезмәтләре порталындагы шәхси кабинетка, исәпкә алу язмасы булмаса,почта аша килә.

        Пенсия билгеләнгәннән соң аны китерү ысулын гражданин үзе билгели. Пенсияне китерү ысулы турындагы гаризаны Пенсия фонды сайтында яки дәүләт хезмәтләре порталында  шәхси кабинет аша бирергә мөмкин. Түләүләрне китерү ысулын теләсә кайсы вакытта үзгәртергә мөмкин, моның өчен яңа гаризаны теләсә нинди уңайлы ысул белән бирергә кирәк. Гаризаны шулай ук шәхси кабинет аша Пенсия фонды сайтында яки дәүләт хезмәтләре порталында урнаштырырга, Пенсия фондына яки күпфункцияле үзәккә килеп тапшырырга мөмкин.

        Пенсия инвалидлык бирелгәнче пенсионер булмаган гражданнарга билгеләнә. Пенсия алучы гражданинга инвалидлык бирелгән очракта Пенсия фонды өстәмә рәвештә айлык акчалата түләүне билгели.

        «Кайбер дәүләт хезмәтләрен актив режимда,  ягъни гражданнарның шәхси мөрәҗәгатеннән башка күрсәтү социаль казначылык принцибы кысаларында гамәлгә ашырыла, аның максаты - социаль ярдәм чараларын билгеләү процессын тизләтү һәм белешмәләр җыюдан баш тарту», - дип билгеләп үтте Татарстан Пенсия фонды идарәчесе Эдуард Вафин.

Кайбыч районы прокуратурасы Морза Бәрлебашы авылында яшәүче 44 яшьлек кешегә карата җинаять эше буенча дәүләт гаепләвен хуплады.

Суд аны РФ Җинаять кодексының 264.1 маддәсенең 1 өлешендә каралган җинаять кылуда гаепле дип тапкан.

Судта 2022 елның 21 гыйнварында хөкем ителүченең исерек хәлдә медицина тикшерүе үтү таләпләрен үтәмәгән өчен административ җәзага тартылуы, үзе өчен тиешле нәтиҗә ясамавы һәм янә исерек килеш руль артында тоткарлануы ачыклана.

Хөкем ителүче үз гаебен тулысынча таныды. Суд аңа җинаять – башкарма инспекциясе белән килешеп, җирле үзидарә органнары тарафыннан билгеләнә торган объектларда мәҗбүри эшләр рәвешендәге җәза билгеләде. Хөкем карары законлы көченә кермәгән.

Кайбыч районы прокуратурасы

Аз керемле гаиләләрдә тәрбияләнүче 8 яшьтән 17 яшькә кадәрге балаларга яңа түләүгә гаризалар кабул итү 2022 елның 1 маенда старт ала. Пособиене 1 апрельдән билгеләячәкләр. Ягъни, майда  гариза биргәннән соң, гаилә берьюлы ике ай - апрель һәм май айлары өчен тиешле сумманы алачак. Апрельдә балага 8 яшь тулган булырга тиеш.

    Пособиене алу өчен гаилә кереме күләме зур роль уйный. Түләү гаиләдә уртача җан башына керем яшәү төбәгендә кабул ителгән яшәү минимумыннан кимрәк булган очракта билгеләнәчәк.

    Яна пособие гаиләдәге керем күләменә карап яшәү минимумының 50, 75 яки 100 процентын тәшкил итә. Түләүнең база күләме - 50%, ил буенча уртача - 6 150 сум. Әгәр дә бу түләүне исәпкә алып та гаиләдә керем яшәү минимумыннан ким булса, пособие  төбәк яшәү минимумының 75% күләмендә билгеләнәчәк. 75 процент куләмендә пособие билгеләп тә  гаиләнең җан башына уртача керем күләме яшәү минимумыннан азрак кала икән, ул вакытта балага төбәктә яшәү минимумының 100 проценты күләмендә максималь пособие билгеләнә.

    Исегезгә төшерәбез, хәзер 8 яшьтән 17 яшькә кадәрге балаларга түләүне бары тик ялгыз ата-аналар гына рәсмиләштерә ала һәм әлеге пособие күләме региональ яшәү минимумының 50 процентын тәшкил итә.

    Ир-атлар арасында бильярд буенча ярышлар Иске Чәчкап авыл мәдәният йортында узды. Аны Россия Эчке эшләр министрлыгының Кайбыч полиция бүлеге начальнигы Рушан Хуҗин оештырды. Ярышларда Иске Чәчкап, Бәрлебаш, Кошман авылларыннан командалар катнашты. Һәр команда составында дүртәр кеше уйнады. Нәтиҗәдә, Кошманлылар беренче урынны алдылар һәм күчмә кубокка ия булдылар. Бәрлебаш командасы-икенче урында. Өченче урынны Иске Чәчкап авылыннан ир-атлар яулады. Һәр команда арасыннан иң яхшы уенчыны билгеләделәр. Болар-Бәрлебаштан Салават Рәхмәтуллин, Кошманнан Рафис Гыйләҗев, Иске Чәчкаптан Рәсим Сибгатуллин.

 Ел саен 1 апрельдән пенсионерның  яшәү минимумы үсеше темпларын  исәпкә алып социаль пенсияләр индексацияләнә.

        2022 елда социаль пенсияләрне индексацияләү пенсионерның 2021 ел өчен яшәү минимумы күләме 2020 елның  шул чорына нисбәтле буларак 7,7% дәрәҗәсендә планлаштырылган иде.

        Россия Президентының 2021 елда яшәү  минимумын һәм иминият пенсияләрен  индексацияләү турындагы карарларын  исәпкә алып, 2022 елның 1 апреленнән  социаль пенсияләр  8,6%ка индексацияләнә.

        Татарстанда  апрель индексациясе  социаль пенсия һәм дәүләт пенсия тәэминаты буенча пенсия алучы 80 мең артык пенсионерга кагылачак.

        Хәрби хезмәткәрләр, радиация яки техноген һәлакәтләр нәтиҗәсендә зыян күргән гражданнар, Бөек Ватан сугышында катнашучылар "Блокададагы Ленинградта яшәүчегә" билгесе белән бүләкләнгән гражданнар, космонавтлар, шулай ук һәлак булган (вафат булган) хәрби хезмәткәрләр һәм чернобыльчеләрнең хезмәткә яраксыз гаилә әгъзалары дәүләт пенсия тәэминаты буенча пенсия алучылар булып тора.

         Төрле сәбәпләр аркасында җитәрлек хезмәт стажы тупламаган, туендыручысын югалткан, әти-әнисез калган ятимнәр, инвалидлар, инвалид балалар һәм әти-әнисе билгеле булмаган инвалид балалар да социаль иминият пенсиясе алучылар исәбенә кертелә.

         “Инвалидлык  буенча социаль пенсия алучы  эшләүче пенсионерларның пенсияләре  генә индексацияләнәчәк. Рәсми эшләү факты картлык буенча социаль пенсия алучы пенсионерны индексациядән генә түгел, пенсия алудан тулысынча мәхрүм итә, чөнки  пенсионерның эшләү чорыннда пенсия түләү тулысынча туктатыла”, - дип билгеләп үтте Татарстан Республикасы буенча Пенсия фонды  идарәчесе Эдуард Вафин.

     Бүген 2022 елның 19 мартында Морза Бәрлебаш авылнда Ябалак авыл җирлегендә яшәүчеләр өчен Нәүрүз бәйрәменә багышланган күңелле мәдәни-күңел ачу программасы оештырылды. Авыл халкы өчен бәйрәм концерты әзерләнгән иде. Һәр кунак ботка, кайнар чәй һәм коймак белән сыйлана алды. Ачык һавада коймак әзерләү бәйрәм чарасының визит карточкасы булды. Балалар бик теләп халык традицион уеннарында катнаштылар. Балалар белән бергә аркан тартышуда өлкәннәр дә үз көчләрен сынады.

  Хезмәт кенәгәсе  -  кешенең хезмәт эшчәнлеген алып баруын һәм  хезмәт стажын раслаучы төп документ.

          Хезмәт кенәгәсенең кәгазь яки электрон вариантын  сайлау хокукы һәркемнең үз иркендә.

          "Электрон хезмәт кенәгәсенең  төп өстенлеге - документтан дистанцион рәвештә файдалану мөмкинлеге тудыру. Яңа эшкә урнашкан вакытта, электрон хезмәт кенәгәсеннән чыгарылма алып эш бирүчегә җибәрү дә җитә ", - дип билгеләп үтте Татарстан Пенсия фонды башлыгы Эдуард Вафин.

            Электрон хезмәт кенәгәсендәге мәгълүматны Пенсия фонды сайтындагы  шәхси кабинеттан (www.pfr.gov.ru) яисә Дәүләт хезмәтләре порталыннан (www.gosuslugi.ru) алырга мөмкин.

           Хезмәт эшчәнлеге турындагы мәгълүматлар күрсәтелгән электрон белешмә pdf-форматта формалаша һәм Пенсия фондының төбәкара мәгълүмат үзәгенең көчәйтелгән квалификацияле электрон имзасы белән раслана.

           Документны стационар компьютерда яки мобиль җайланмада сакларга, кирәк булганда  бастырып алырга яисә  электрон почта аша җибәрергә мөмкин.

           Электрон хезмәт кенәгәсе турында тулырак мәгълүмат Пенсия фонды сайтының шул исемдәге бүлегендә урнаштырылган (www.pfr.gov.ru).